MV 'Lochmor' is MV 'Lochearn' air Caol Loch Aillse

MV 'Lochmor' is MV 'Lochearn' air Caol Loch Aillse

Dearbh-aithne: HCD00231 TUAIRISGEUL: Bha an dà shoitheach coltach Lochmor is Lochearn, a bha 542 tunna, air an togail do chompanaidh Mhic a' Bhruthainn ann an 1930 airson seirbheisean ann an Innse Gall. Bha an MV Lochmor a' siubhal air taobh siar an Eilein Sgitheanaich, a' tighinn à Malaig is a' dol gu ruig na Hearadh is Uibhist. Bha e cuideachd air a chleachdadh airson seòlaidhean luchd-turais eadar Malaig is Loch Sgabhaig san Eilean Sgitheanach, airson luchd-turais a bha a' dol gu Loch Coir' Uisge. Mar bu trice bha an MV Lochearn air a chleachdadh a' toirt posta gu Tobar Mhoire, Colla, Tiriodh, Barraigh agus Uibhist a Deas gu ruig 1955. Cha robh a h-uile duine dèidheil air na soithichean ùra le an luibhearan cho beag is croinn a bha cha mhòr dìreach. Ach bha iad fada na bu chofhurtail na bha na soithichean eile a bh' air an t-slighe romhpa. ... Bha Donnchadh Mac a' Phearsain, an dealbhadair, gu math eòlach air sgiobair an Lochmor, Caiptean MacDhonnchaidh. B' e Caiptean MacDhonnchaidh fear de na h-oifigearan a b' ainmeile aig Mac a' Bhruthainn, is bha daoine a' toirt 'Squeaky' air oir bha guth àrd Gàidhealach aige Faodar an dealbh seo a cheannach. Airson tuilleadh fiosrachaidh mu cheannach is prìsean, cuir post-d gu: Skye and Lochalsh Archives SIORRACHD/PARRAIST: ROS: Loch Aillse CREATOR (AV): Duncan Macpherson DEIT: 1931 LINN: 1930an NEACH-FIOSRACHAIDH: Ionad Tasglainn an Eilein Sgitheanaich & Loch Aillse CRUINNEACHADH: Duncan Macpherson (photographs) ID Maoin: 11958 KEYWORDS_GAELIC: