Sìm Crìsdean Iòseph Friseal, 15mh Mac Shimidh

Sìm Crìsdean Iòseph Friseal, 15mh Mac Shimidh

Dearbh-aithne: PAN_16_66 TUAIRISGEUL: Rugadh Sìm Crìsdean Iòseph Friseal, an t-15mh Iarla Lovat ann an 1911 agus ghabh e tiotalan an teaghlaich ann an 1933. B' e an 24mh MacShimidh (Ceann Cinnidh Clann Fhriseil na Mòrfhaich) cuideachd. Lean e athair, Sìm Friseal, an t-14mh Iarla Lovat a stèidhich na Lovat Scouts, san t-saighdearachd. Bha e na cheannard air na commandos aig àm an Dara Cogaidh agus chaidh a leòn nuair a thàinig iad air tìr ann an Normandy. Chuir Hitler mìle marc air beatha MhicShimidh ri linn na chuala e mu dhànachd mar shaighdear. Choisinn MacShimidh duais DSO agus Crois Shaighdearach (MC). An dèidh a' chogaidh bha e ag obair do Winston Churchill mar theachdaire dìomhair do Stalin ann am Moscow. Thuirt Churchill ri Stalin gur e 'an duine bu shèimhe a riamh a chuir soithichean gu grùnnd na mara no a gheàrr amhaich duin' eile'. An dèidh dha a dhreuchd a leigeil dheth thòisich e air tuathanas air tac an teaghlaich ann an siorrachd Inbhir Nis agus fhuair e ainm mar fhear a bha mion-eòlach air gintinn cruidh. Bhàsaich e ann an 1995. Anns an dealbh seo tha e a' bruidhinn aig Pàirce Thistle air Rathad Muileann an Rìgh. Ri cùl na deilbh tha rathad MhicEòghainn a chaidh ainmeachadh air Sir Alasdair MacEòghainn a bha na Phrobhaist air Inbhir Nis eadar 1925 agus 1931 Faodar an dealbh seo a cheannach. Airson tuilleadh fiosrachaidh mu cheannach is prìsean, cuir post-d gu: Highland Photographic Archive ÀITE: Inbhir Nis SIORRACHD/PARRAIST: INBHIR NIS: Inbhir Nis 's Am Bànath CREATOR (AV): J Nairn LINN: 1950an NEACH-FIOSRACHAIDH: Tasglann Dhealbhan-camara na Gàidhealtachd (IMAG) CRUINNEACHADH: Jimmy Nairn & Son ID Maoin: 20481 KEYWORDS_GAELIC: