Caibeal an Naoimh Òrain an Eilean Ì

Caibeal an Naoimh Òrain an Eilean Ì

Dearbh-aithne: PC_PRISCUS_SCO5289 TUAIRISGEUL: Caibeal an Naoimh Òrain an Eilean Ì. San dealbh seo chithear Caibeal an Naoimh Òrain an Eilean Ì. Chaidh a thogail leis an fhear-chamara Seòras Washington Wilson (1823-93) a bha a' fuireach ann an Obar Dheathain agus a rinn tòrr siubhail ann an Alba agus thall thairis, a' togail dhealbhan na tìre agus an rùm-dorcha gluasadach aige. Thog e dealbhan den Bhanrigh Bhictoria agus thug ise dha coimisean gus togail Bhaile Mhoireil a chlàradh. Tha Caibeal an Naoimh Òrain faisg air Abaid Eilein Ì. Chaidh a thogail san dara linn deug agus 's e an togalach naomh as sine a tha fhathast na sheasamh air Eilean Ì. 'S e sin àite tìodhlacaidh Chloinn Dòmhnaill agus Tighearnan nan Eilean agus timcheall air tha Rèilig Òdhrain, an t-àite tìodhlacaidh aig dà fhichead 's a h-ochd de rìghrean Alba, ceathrar phrionnsachan Èirinn, ochdnar rìghrean à Nirribhidh, aon rìgh Frangach agus iomadh sàr cheann-cinnidh Gàidhealach. Tha sgeulachd ag innse gun robh Colm Cille airson caibeal a thogail, ach na ballachan a chaidh an togail tron là 's ann a chaidh an leagail tron oidhche le cumhachdan dorchadais. Bha aisling aig Colm Cille a sheall dha gur ann le ìobairt daonnda a ghabhadh caibeal a thogail. Thairg fear de na bràithrean, Òran, e fhèin na ìobairt agus chaidh a thìodhlacadh beò. An uair sin sheas ballachan a' chaibeil gu daingeann. Ach bha Colm Cille cho brònach mu chall a charaid 's gun do dh'fhosgail e an uaigh an ceann trì latha. Chuala e guth Òrain ag innse dha nach robh nèamh agus ifrinn mar a bha dùil! Thug Colm Cille orra an uaigh a lìonadh a-rithist ann an cabhaig ÀITE: Ì SGÌRE: Muile SIORRACHD/PARRAIST: EARRA-GHÀIDHEAL: Cill Fhìonnchain 's Cill MhicEòghainn CREATOR (AV): George Washington Wilson LINN: 1880s (c.) NEACH-FIOSRACHAIDH: Mark Butterworth - Priscus CRUINNEACHADH: Imaging the Past ID Maoin: 29576 KEYWORDS_GAELIC: