An t-Urramach Raibeart Rothach

Dearbh-aithne: QZP40_467_P086 TUAIRISGEUL: Rugadh an t-Urr Raibeart Rothach ann an Srath Nabhair air 26mh Giblean 1853 is chaidh e gu Sgoil An t-Srathaidh, a bha faisg air làimh. Lean e fhoghlam aig Oilthigh Chill Rìmhinn, far an d'fhuair e B.D. is M.A., is a' Cholaiste Ùr, Dùn Èideann. Chaidh a shuidheachadh mar mhinistear na h-Eaglaise Shaoir ann an Cill Phàdraig, Siorrachd Dhùn Bhreatainn, ann an 1878. A thuilleadh air an obair sgìreil aige, choisinn e iomadh duais airson rannsachadh ann an diadhachd, feallsanachd, corp-eòlas, beul-aithris is litreachas. Dh'fhoillsich e iomadh aiste air na cuspairean seo ann an irisean mar 'Encyclopedia Britannia', 'The Celtic Monthly', 'The National Observer' is 'The Illustrated London News'. Chaidh a thaghadh mar Chompanach den Chomann Rìoghail, Dùn Èideann, Companach de Chomann Àrsairean na h-Alba agus mar bhall den Mhaoin Litreachail Rìoghail, Lunnainn. Bha a shinnsearachd o Rothaich Fhoghlais is am meur Abrach de Chlann 'ic Aoidh, is bha ùidh mhòr aige ann an Gallaibh, far an do rugadh is a thogadh e. Tha an dealbh seo air a toirt o 'Sutherland and the Reay Country', air a dheasachadh leis an Urr Adhamh Guinne is Iain MacAoidh, 1897. Sgrìobh an t-Urr Rothach a' chaibideil 'The Antiquities of Sutherland' san leabhar DEIT: 1897 LINN: 1890an NEACH-FIOSRACHAIDH: Leabharlainn na Gàidhealtachd CRUINNEACHADH: Fraser Mackintosh Collection (illustrations) ID Maoin: 31238 KEYWORDS_GAELIC:

• sgoilearan
• clèirich