Clach na h-Uamha, Camas Ghruinneard

Clach na h-Uamha, Camas Ghruinneard

Dearbh-aithne: QZP40_CARD_0601 TUAIRISGEUL: Clach na h-Uamha, Camas Ghruinneard. Chaidh a' chlach seo, air stèidh gu math cugallach, a th' air a' chladach fon Leathad, a leagail ann an gèile ann an 1950. 'S e tuineachadh beag aig ceann a deas Chamas Ghruinneard, caolas mara ann an Ros an Iar, a th' anns An Leathad. Tha e suidhichte aig comar an rathaid a tha a' dìreadh suas Cnoc cas na Cabaig agus an rathaid aon-fhillte a tha a' dol gu bailtean croitearachd iomallach Mheallain Ùdraigil agus na h-Òbainean, far a bheil an rathad a' crìochnachadh. Aig an Leathad tha tobhtaichean caibeil ann. 'S ann o 1713 a tha an togalach seo, nuair a rinn Seòras MacCoinnich Ghruinneard ath-thogail air caibeal a bh' ann roimhe, a chaidh a thogail le Colm Cille, tha daoine a' creidsinn. San naoidheamh linn deug thàinig dith chleachdaidh air a' chaibeal agus chaidh seirbhisean a dhèanamh san uaimh a bha faisg air làimh. Ri cùl na deilbh, air an taobh dheas, chithear Beinn Ghobhlach, a tha air Rubha Sgoraig eadar Loch Bhraoin Bheag agus Loch Bhraoin. Ged nach eil i air tè de na beanntan as motha ann an Alba - chan eil i ach 2083 tròighean (635m) a dh'àirde - tha coltas drùidhteach oirre a chionn 's gu bheil i na seasamh leatha fhèin. ÀITE: Camas Ghruinneard SGÌRE: Geàrrloch SIORRACHD/PARRAIST: ROS: Geàrrloch CREATOR (AV): J Valentine & Co. LINN: 1950an NEACH-FIOSRACHAIDH: Leabharlainn na Gàidhealtachd CRUINNEACHADH: Highland Libraries' Postcard Collection ID Maoin: 32522 KEYWORDS_GAELIC: