Caisteal Dhùn Robain

Caisteal Dhùn Robain

Dearbh-aithne: QZP40_CARD_3709 TUAIRISGEUL: Cairt-phuist de Chaisteal Dhùn Robain, Cataibh. Tha Caisteal Dhùn Robain air a bhith na dhachaigh do dh'Iarlan agus Diùcan Chataibh bhon 13mh linn agus bha iomradh air mar dhaingneach an teaghlaich ann an 1401. 'S e aon de na seachd iarlachdan aosta ann an Alba a bh' ann an Iarlachd Chataibh agus b' e na Suthurlanaich aon de na teaghlaichean bu chumhachdaiche ann am Breatainn le mòran cheanglaichean pòsaidh agus fearainn chudromach. Chaidh Iarlachd Chataibh a chruthachadh ann an 1235 agus tha e coltach gu bheil caisteal air a bhith na sheasamh air an làrach seo bhon uair sin, ' dòcha air làrach seann dhùn bho na meadhan linntean. Tha an t-ainm Dùn Robain on Ghàidhlig agus 's dòcha gun tàinig an t-ainm bho Raibeart, an 6mh Iarla Chataibh a bhàsaich ann an 1427. 'S e tùr-dìona mòr, ceàrnagach a bh' anns a' chiad chaisteal le ballachan anns an robh sia troighean de leud agus mullach le bogha a bha na sheasamh air mullach bearraidh. Bha an tùr-dìona leis fhèin gus an deach staidhre agus taigh àrd a chur ris dà cheud bliadhna no mar sin as dèidh làimhe. Chaidh a chuartachadh le sreath de leasachaidhean eile bhon t-16mh linn. Chaidh leasachadh mòr a thogail ann an 1785. Ach gu h-iongantach tha a' chiad tùr-dìona fhathast ann ged a tha e air atharrachadh gu mòr, am measg nan leasachaidhean seo a tha a' ciallachadh gur e Dun Robain aon de na dachaighean as sine anns a bheil daoine a' fuireach ann an Alba. S e inbhir a tha ann an Caolas Chataibh a tha a' sgarradh Chataibh bho Shiorrachd Rois. Tha e a' sruthadh a-steach do Chaolas Dhòrnaich agus tha na h-aibhnichean Oiceall, Sìn agus Carran a' sruthadh a-steach ann ÀITE: Caisteal Dhùn Robain SGÌRE: Goillspidh, Roaghard agus An Luirg SIORRACHD/PARRAIST: CATAIBH: Goillspidh NEACH-FIOSRACHAIDH: Leabharlainn na Gàidhealtachd CRUINNEACHADH: Highland Libraries' Postcard Collection ID Maoin: 35545 KEYWORDS_GAELIC: