Dearbh-aithne:QZP99_94157_10_02TUAIRISGEUL:Tha taigh-tughaidh faisg air Fionnphort. Bha mullach tughaidh steidhichte air fream fiodha a bhiodh na laighe air ballachan a' bhothain. 'S e stuth saor a bh'ann an tughadh airson mullach taighe ach cuideachd bha e aotrom is cha chuireadh e cus cuideam air na ballachan. Bhiodh còmhdach de sgrathan fraoich air a chur air a fream agus còmhdach de thughadh air muin sin. Bhiodh an tughadh air a cheangal sìos le seann lìon no snàth iasgaich air an robh clachan mòra gus cuideam a chumail air. Anns a' mhòr chuid de dh'àiteachan bhiodh mullach-tughaidh air ùrachadh gach bliadhna. Tha similear air a' bhothan anns an dealbh seo ach bha tughadh làn cheò bho thaighean gun similearan air leth math airson todhair.
'S e baile beag air taobh an iar dheas Mhuile a th'ann am Fionnphort (am port de ghainmhich gheal). Tha bàt'-aiseig luchd-siubhail a' seòladh à seo thar Chaolas Idhe. Mu leth mhìle don taobh tuath tha cuaraidh aig Torr Mòr far am faighear clach-ghràin dhearg shònraichte. Ghabhadh seo a sgàineadh ann am blocaichean mòra a bha gun mheang sam bith 's air leth freagarrach airson drochaidean, cidheachan agus ballachan acarsaid a thogail. Bha mòran chuaraidhean ann an sgìrean Asairpoll 's Fionnphort suas gu tràth san fhicheadamh linn nuair a thòisich iad a' crìonadh le farpais bho chuaraidhean ann an Obar Dheathain agus Ceann Phàdraig. Chaidh a' chlach-ghràin seo a chleachdadh ann an togail de Charragh-cuimhne Albert, Drochaid Blackfriars agus Holburn Viaduct ann an Lunnainn, cidheachan Liverpool agus New York, Drochaid Jamaica ann an Glaschu, Talla Cathair-bhaile Manchester agus na taighean-solais Dhuitheartach agus Sgeir Mhòr bharr Mhuile.
Faisg air an seo cuideachd tha Eilean nam Ban (eilean nam boireannach). B' ann dhan eilean seo a dh'fhuadaich Colum Cille boireannaich às Eilean Ì.
Tha an dealbh seo a’ tighinn bhon chruinneachadh a chaidh a thoirt do Leabharlann Meadhan Dhùn Èideann leis an Dr Iseabail F. Ghrannd. Am measg a’ chruinneachaidh tha dealbhan a chaidh a thogail le grunn luchd-togail dhealbh fa leth.ÀITE:MuileSGÌRE:MuileSIORRACHD/PARRAIST:EARRA-GHÀIDHEALCREATOR (AV):I F GrantNEACH-FIOSRACHAIDH:Leabharlann na h-Alba, Leabharlann Mheadhan Dhùn ÈideannCRUINNEACHADH:I F Grant Photographic ArchiveID Maoin:38812KEYWORDS_GAELIC:
Your download will start shortly, please do not navigate away from this page until the download prompt has appeared. Doing so may cause your download to be interrupted.
Tha sinn a’ cleachdadh chriomagan airson an làrach-lìn againn a dhèanamh cho math ’s a ghabhas. Ma leanas tu ort a’ cleachdadh na làraich seo, tha sinn a’ tuigsinn gu bheil thu riaraichte leis a seo.Glè mhath
