Pàrlamaid Hiort

Pàrlamaid Hiort

Dearbh-aithne: QZP99_97193_04_12 TUAIRISGEUL: Chaidh an dealbh ainmeil seo a thogail le Seòras Washington MacUilleim, a bh' ann a' Hiort anmoch sna 1880an. Bha muinntir Hiort, aig an robh Gàidhlig, beò ann an seòrsa deamocrasaidh dhaibh fhèin, le coinneamh neo-fhoirmeil air a cumail gach madainn eadar Diluain is Dihaoine air sràid a' bhaile. 'S e 'Pàrlamaid Hiort' a bh' air an seo, is bha a h-uile inbheach fireann anns an eilean ann. Cha robh riaghailtean no neach-cathrach ann, is bha na 'buill' a' nochdadh nuair a thogradh iad fhèin. Nuair a bha iad cruinn, bha a' 'Phàrlamaid' a' beachdachadh air an obair a bha ri dhèanamh an latha sin a rèir chomasan gach teaghlaich is bhathar a' toirt air daoine an obair a dhèanamh a rèir nam feuman aca. Bha a h-uile dad air a dhèanamh airson maith coitcheann. Bha coinneamh neo-fhoirmeil aig na boireannaich cuideachd. Ann an 1889, sgrìobh Iain Ros, maighstir-sgoile an eilein, gun robh a' phàrlamaid 'very much resembles our Honourable British Parliament in being able to waste any amount of precious time over a very small matter while on the other hand they can pass a Bill before it is well introduced'. Bha an dealbh seo air a sgaoileadh fad is farsaing is air a dèanamh às ùr mar dhealbh dathte la làimh is mar dhealbh lanntair. Tha na nòtaichean aig Washington MacUilleim a tha an lùib na deilbh ag ràdh: "Beyond the reach of the laws that govern this realm they make their own laws. The solitary minister on the island may advise on certain matters, and certainly has a limited influence, but it is their Parliament that fixes matters beyond appeal, and no stranger may take part in their deliberations. This Parliament meets daily, discusses the weather and the state of the sea etc. in a few Gaelic phrases; and by a majority the order of the day is fixed, and no single individual takes it upon himself to arrange his own business until after they unitedly decide what is best". (MacLean & Carrell, 1986) 'S e Seòras Clayton Atkinson a chleachd na briathran 'Pàrlamaid Hiort' an toiseach ann an 1838. Tha dàn Dhùghlais Dunn, 'St Kilda's Parliament' (1981) a' bruidhinn air an t-sealladh seo cuideachd. Tha an dealbh seo a’ tighinn bhon chruinneachadh a chaidh a thoirt do Leabharlann Meadhan Dhùn Èideann leis an Dr Iseabail F. Ghrannd. Am measg a’ chruinneachaidh tha dealbhan a chaidh a thogail le grunn luchd-togail dhealbh fa leth. ÀITE: Hiort SGÌRE: Na Hearadh SIORRACHD/PARRAIST: INBHIR NIS: Na Hearadh CREATOR (AV): George Washington Wilson LINN: 1880an NEACH-FIOSRACHAIDH: Leabharlann na h-Alba, Leabharlann Mheadhan Dhùn Èideann CRUINNEACHADH: I F Grant Photographic Archive ID Maoin: 38917 KEYWORDS_GAELIC: