Allt na Sàcramaid, An Tòiseachd

Dearbh-aithne: ROMGH_PA_94_285_P12 TUAIRISGEUL: Tha an lag a tha san dealbh seo suidhichte ann am fearann coillteach ri taobh Allt An Tòiseachd ann am paraiste Urchadain san Eilean Dubh. Tha e a' dèanamh amharc-lann nàdarrach sgoinneil le fuaimeareachd sgoinneil agus chaidh iomadh seirbheis eaglais a-muigh a chumail an seo anns an 19mh linn. Bha na mìltean de dhaoine a' cruinneachadh airson Sàcramaid a' Chomanachaidh nuair a bhiodh seirbheisean air an cumail thar grunnan làithean. Bha an togalach beag air a chleachdadh leis a' mhinistear ron t-seirbheis. Bha an coithional - bha cuid aca air siubhal suas ri 50 mìle - a' suidhe air na leòidean mun cuairt, anns a' ghrèin agus anns an uisge. Bha cuid de na searmonaichean a b' fheàrr ann an Alba a' searmonachadh an seo, nam measg ministear ainmeil às a' pharaiste, An t-Urr Iain MacDhòmhnaill, air an robh 'Abstol a' Chinn a Tuath'. Rugadh e ann an Gallaibh agus thàinig e gu paraiste Urchadain ann an 1813 agus dh'fhuirich e an sin gus an do bhàsaich e ann an 1849. Bhàsaich a bhean ann an 1814 aig an aon àm 's bha e a' cumail a chiad sheirbhisean comanachaidh anns an Tòiseachd, nuair a tha e air aithris gun do chruinnich mìltean de dhaoine airson a chluinntinn a' searmonachadh. B' e Dr MacDhòmhnaill aon de na ministearran a bhris air falbh bhon Eaglais Stèidhichte ann an 1843 gus an Eaglais Shaor a chruthachadh. Bha e a' cumail sheirbheisean a-muigh gus an deach eaglais ùr a thogail S dòcha gum bi an ìomhaigh seo ri faotainn airson a ceannach. Airson tuilleadh fiosrachaidh mu cheannach is mu phrìsean cuir post-d gu: Groam House Museum S dòcha gum bi an ìomhaigh seo ri faotainn airson a ceannach. Airson tuilleadh fiosrachaidh mu cheannach is mu phrìsean cuir post-d gu: Groam House Museum ÀITE: An Tòiseachd SIORRACHD/PARRAIST: ROS: Urchadan 's Lagaidh an Iar NEACH-FIOSRACHAIDH: Taigh-tasgaidh Taigh Ghroam CRUINNEACHADH: Groam House Museum Photographic Collection ID Maoin: 39330